【打天下】AK@MIRROR未知何时播 阿Jer：老板睇过试片评价几好！
MIRROR成员Anson Lo（卢瀚霆），今日（17/3）与另外两位兄弟 ─ 柳应廷（Jer）和Anson Kong（江𤒹生）一起到商台宣传新歌。谈到近日ViuTV剧集《二月廿九》网上好评如潮，AK直言，希望未来日子ViuTV剧集的收视会愈来愈高。
“梗系希望自己公司嘅剧集会有高收视，而家ViuTV嘅剧集已经开始系播一个钟头，可观性会愈来愈高，另一个原因系，我哋好多同事、朋友都喺入面，好似阿Dee哥（ERROR成员何启华）都有喺《二月廿九》入面演出，我就睇咗少少。”
另外由欧锦棠监制的《打天下》早前煞科，有份主演的AK说，现时仍未知这套剧何时播出。“而家我都未系好确实知道系咩日子播，早排我听到话会系4月播，而家又听到话会延期到6月，所以我估应该差唔多系喺暑假嘅时候推出。”
疫情影响ViuTV剧集《男排女将》拍摄进度 Anson Lo@MIRROR：揾地方好难！
AK亲自为《打天下》创作主题曲
问到有没有跟棠哥商讨，新剧推出的时候会怎样宣传造势？AK说，“原本话4月出嘅时候，棠哥系有谂点样宣传，例如叫我同阿谈（谈善言）拍啲空手道嘅片，但呢个仲未Firm得到。加上而家又要延期，所以要再迟啲先可以Organize过啲宣传策略。”AK又透露《打天下》的主题曲出自其手笔，但现阶段仍未是时候公布。
谈到《打天下》的吸引力如何，AK不忘卖花赞花香，“呢套系香港第一套以空手道作为主题嘅电视剧，而且演出阵容相当鼎盛，有真系好熟悉空手道嘅男主角棠哥，佢亦都揾咗好多世界级嘅真实拳王客串，咁我同阿谈都系特登为咗呢套剧由零开始去学空手道，我亦都会有一条小小嘅爱情线喺入面，大家可以拭目以待。”
AK直言，除了拍摄之后有看过少少片段外，他仍未看过剪辑版的《打天下》，反而经理人花姐和老板鲁生（ViuTV总经理鲁庭晖）有看过，身旁的阿Jer爆料：“老板嘅评语都几好㖞，佢觉得Anson Kong做戏嘅时候，有以前郭富城的影子，佢哋话AK可以走呢个路线。”AK听罢先惊讶后兴奋，然后说：“真系咩？多谢老细！”
点击下列图辑欣赏更多Anson Kong、Anson Lo和阿Jer的相片：