【新冠肺炎】马来西亚演唱会延期　吴若希：无谓为咗赚钱去博！

吴若希（Jinny）与周柏豪的马来西亚演唱会近日因为新冠肺炎（俗称：武汉肺炎）关系，宣布延期举行。今天（17日）Jinny出席无线（TVB）综艺节目《娱乐大家10点半》录影时便大谈感受。她接受《香港01》访问时说：“我就唔会话好失落，咁大家都面对紧一个疫症影响，唔单单为我自己安全，都要为每一位嚟睇演唱会嘅支持者安全。希望大家因此疫情关系需要忍耐少少，唔好去人多地方。我哋都好抱歉要延期，唔想影响大家。”

首次在马来西亚举行演唱会，Jinny透露原本是准备了惊喜给一众歌迷，她说：“始终第一次喺马来西亚开演唱会，又系第一次同柏豪合作，原本安排一Part系我哋合作。我觉得系开心同吸引，对于我嚟讲少系幕前做。（唔讲得？）跳舞啰，我跳一个好好睇嘅舞，系我嘅世界呢样（跳舞）少发生嘛。”

不过演唱会延期少不免造成金钱损失，对此，Jinny笑言不在意：“我觉得呢个时间系唔需要计较金钱上损失，因为我宁愿赚少几个月钱。揾钱系揾一世，健康都系跟一世。我宁愿要健康身体，慢慢工作，健康系大于一切，无谓为咗赚钱去博。”