【法证先锋IV】吴卓衡内心戏搞喊化妆师　自爆为角色抑郁狂标冷汗

TVB新剧《法证先锋IV》中的案件愈来愈精彩，周一晚（16/3）播出的第21集，继续“网络诈骗谋杀案”剧情，故事讲到翟家轩（吴卓衡饰）因接连被欺骗金钱和朋友出卖，竟扮女人到网上教唆卓南（钟君扬饰）杀人。虽然演份不算多，但吴卓衡多层次的演技，备受观众赞赏。

生于医护世家　19岁入行

年仅22岁的吴卓衡出身医护世家，爸爸是前线的急症室医生，妈妈则开设医疗公司，就连公公和婆婆也是中医。他在2017入行至今已经参演过不少剧集，包括：《夸世代》、《特技人》、《爱·回家之开心速递》和《大酱园》等等，但讲到角色难度最大就非这次莫属，他接受《香港01》访问时就讲到：“我一路睇剧本一路喊，因为呢个角色好黑暗，入面嘅无助感好大，俾人呃但佢咩都做唔到，父母出咗问题佢都冇嘢可以帮到手，令佢觉得因为自己嘅无用而害死晒所有人，最后先走上变态杀人之路。”

为角色陷抑郁　自揭曾遭欺凌

吴卓衡大爆因拍这个角色而患上抑郁：“呢个角色都令我病咗，抑郁咗个几礼拜，成日发恶梦又出冷汗，亦都有问到心理医生朋友嘅指示。因为我要去代入呢个角色嘅伤痛，其实我自己细个都俾人欺凌过，𠮶种无力感，但日日都要返学，点都要面对呢个世界，你比人欺凌冇嘢可以做到，冇嘢可以抗争到，𠮶种心情真系好难受。同时，我都好想透过呢个角色俾观众知道自己能够演绎内心戏重的角色，可能令自己抗压能力低咗。”他更指演拍完这场戏后，完全不想外出，在家人的鼓励下，和心理医生倾了三个钟的电话，再接受对方的指示，才逐步走出这个阴霾。

点撃下图重温剧情！

感谢朱晨丽谭俊彦帮助

吴卓衡又感激两位前辈谭俊彦和朱晨丽的帮助：“喺口供房𠮶场戏，佢哋有畀到好多意见我，因为谭俊彦都有做过导演，所以佢可以指导我好多，而且佢都有迁就我个演法而调整咗好多，令个气氛好到位。”而令吴卓衡拍摄时最令他感动的是：“因为个角色我不停喊，化妆师帮我补妆𠮶阵同我讲‘我喺出面陪你一路喊，你做得几好，加油！’对我嚟讲真系一个好大嘅鼓励，真系一支好大嘅强心针。”

点撃下图睇吓私下靓仔相！