【肺炎熊市】TVB才女吴沚默掷过10万入市　反蚀5位数：低处不算低

受2019冠状病毒病（COVID-19，俗称武汉肺炎）疫情蔓延影响，全球股市持续走低，不少投资者打算趁低吸纳，就连TVB才女吴沚默（Momo）早前亦花了六位数入市，但想不到股市仍然持续下跌，令她反蚀不少，更在IG留言：“被股票搞到只能傻笑。”

Momo接受《香港01》访问时，直认蚀钱：“其实我玩得唔算多，因为之前都系蚀钱。今次就系因为之前跌咗一阵，谂住疫情好快过去，喺低位买一啲，点知佢低处未算低，一路低落去。不过，我玩得唔多大慨6位数，而家蚀咗5位数。”

点撃下图重温Momo超有层次演技！

Momo投资有底线：止损位绝对唔会上到6位数

原来Momo不单单有才华，兼任幕前幕后工作，就连投资都曾有一手：“其实我大学毕业已经开始买啲股票，一开始都赢，不过系短线操作。开始做嘢之后，有时就唔会睇（股市），跟住就发现个股票跌得好劲，一路冇升返上去，之后就发现我系冇时间睇股票，所以而家都系买派息股或者长揸，不过长揸𠮶啲都跌得好劲。我都有条底线嘅，可能止损都系维持5位数，绝对唔会上到6位数。”

认收入大减　交租有压力：靠积蓄同写嘢帮补吓

近月，不少艺人都透露受疫情下收入大减，Momo亦称：“系呀，而家收入真系大减呀！我谂我已经成年净系攞底薪，我又要交租，所以都系靠积蓄同写嘢帮补下，如果唔系真系生活唔到。影视方面受到影响，但写嘢方面都OK，因为都可以喺屋企写，我呢排都写紧新嘅小说，嚟紧4月都会喺台湾同内地分别出书，因为书可以喺网上卖，希望到时成绩会好。”Momo的作品分别是台湾与夏雪一同推出的旅游散文集，暂时可能叫“没有男人的旅人”。而内地长篇小说亦叫“风暴来的那一天”，是悬疑小说。

点撃下图睇更多！