马国明再次否认介入唐诗咏的感情生活：我从来唔做第三者

马国明今天（9日）出席由他主演的剧集《BB大哂》拜神活动，谈到这次饰演的角色，他笑言自己剧中是癞蛤蟆食天鹅肉：“戏入面我唔系特别叻又唔系揾到好多钱嘅一个男人，但就系可以同一个文青女神岑丽香结婚。因为佢系读好多书，家教又好严格。佢竟然同咗一个好平凡嘅人结婚生仔，所以我成日都话剧里面我系癞蛤蟆食天鹅肉。”

另外近日又再传马明介入契妹唐诗咏与绯闻男友陈思铭的感情，直指马明是第三者。不过早前马明接受传媒电话访问时候也否认这件事，今天趁著能够见到传媒，他也想再次澄清：“其实呢件事几好笑，当时我系即时回应。点解呢？唔知大家记唔记得当年黄宗泽同胡杏儿分手话我系第三者，因为当时我同杏儿拍紧戏，咁我都第一时出嚟澄清。不过今次回应可能我系隔住电话，所以佢哋将我愤怒写大十倍，但其实我冇好愤怒。我事后睇返就觉得几有力，是但啦觉得。由始至终我都唔想佢哋新闻加我个名，因为我唔知道佢哋关系系咩程度。我乜都唔知，我从来唔八人感情生活，你要讲我咪知啰。所以我唔知佢哋个感情去到点，突然加我个名入去会影响到少少。其实我都冇嬲，对个男仔都冇反感，系一个好普通朋友。唔好误会我好嬲同好爆。”

另外有报道写唐诗咏怀上马明的骨肉，诗咏立即嬲爆网上回应传闻：“出道那么多年，写了那么多年，之后的时间，就给我一点宁静，好吗？”，马明直言觉得写她怀孕是有点过份：“人哋一个女仔你咁样写人，于心何忍呢？更何况成件事唔系真。我成日话娱乐圈当花边新闻OK嘅，你写我追求一个单身女仔，男仔追女仔好正常，笑下咪算。但影响到人哋唔系咁好，同埋我唔系好钟意畀个第三者名称我，我从来唔做第三者，唔钟意做第三者，所以不嬲唔会有呢啲事系我身上发生。”

点击睇演场更多精彩照片！