【新冠肺炎】汪明荃捐防疫用品畀前线医护：有过万张消毒湿纸巾

新冠肺炎（俗称：武汉肺炎）疫情暂时仍未受控，市民仍然要到处扑防疫产品。汪明荃早前话自己都缺口罩，好在得到新加坡粉丝寄口罩应急。呢日LIZA姐亦推己及人，成功扑到大批防疫产品后，亲自点算准备送俾前线医护人员。

汪阿姐话：“今次我准备咗一啲口罩、消毒湿纸巾及搓手液准备捐俾医护人员，好可惜我地其实订咗好多，但依家有钱都未必买到，呢度暂时有几百个口罩捐住先。另外呢度仲有消毒湿纸巾，都超过万张。希望可以尽少少绵力，希望大家都身体健康。”