王君馨挨病饮中药 鬼妹仔苦到样都变：乜嘢味道嚟㗎？
撰文： 张浩恩
出版：更新：
入行9年的王君馨（Grace）今年终于凭《城寨英雄》花曼一角，广受观众认同，不过人气急升的代价，就是换来周身毛病。Grace之前透露过自己拉伤颈部，近日更因工作量大增而挨病。
虽然Grace自小在美国长大，但原来鬼妹仔都喜欢睇中医调理身体，她还亲自落手煲中药，可惜第一次煲中药的她，却不懂控制火候：“第一次要自己返屋企煲中药，七碗半水变成一碗，但系我煲过龙变咗半碗...味道会如何呢？”她还在Instagram直击自己试饮中药的一刻，未饮前Grace面上都有少许笑容，但一饮完她便面容扭曲，并惨叫：“乜嘢味道嚟㗎？”事后她更向网友求救：“有冇好心人下次可以煲比我饮呢？”