【新冠肺炎】李焯宁到确诊屋邨派口罩 　为行动不便长者送心意

艺人李焯宁（Karen）今日（6/3）以慈善之星身份与苗圃行动及国艺娱乐义工到长沙湾元州邨上门义派口罩等防疫物资。焯宁表示：“好开心能够成为义工嘅一份子，今次不同之处系我哋会上门逐户派十个口罩、搓手液、米、按摩膏等其他物资畀公公婆婆，因为佢哋本身行动唔方便，唔想佢哋排队咁辛苦，所以上门派畀佢哋，希望可以为公公婆婆送上一点心意同关怀。”

提到元州邨有确诊个案，问上门派口罩会否担心近距离接触？她说：“其实我哋唔系去确诊𠮶座，而且做好防疫措施，唔会入屋亦冇身体接触，带口罩手套，好注意双手消毒所以唔怕。”

问一直单身的她有否被家人催婚？焯宁坦言：“妈咪最近成日叫我快啲嫁，我话首先畀个人嚟，其实而家都好想拍拖，但系咁嘅情况下又点出去识人？我为咗悭口罩，一星期只出门几个钟去超市囤货，边有可能识到新朋友，而家出得嚟都系生死之交签咗生死状，男朋友我谂要等疫情过咗先揾到，但有一个好处系多咗时间陪家人。”