【庆余年】范闲后母原是国家艺术体操选手 曾拍港片跳热舞劲抢镜
撰文： 邝钰莹
出版：更新：
《庆余年》集不少好戏之人，较为人熟识嘅除咗有饰演庆帝嘅陈道明，仲有饰演监察院院长陈萍萍嘅吴刚。不过，原来除演技之外，有演员嘅隐藏实力更系国家级水平，就好似饰演五竹叔嘅佟梦实，曾系国家二级运动员，专长100米短跑；而饰演范家二夫人、范闲后母柳如玉嘅赵柯 ，入行前曾经系国家艺术体操一级运动员。
6岁已经开始练习艺术体操嘅赵柯，曾考入解放军艺术学院舞蹈系，但后来因为腰伤而被迫放弃跳舞。赵柯后来成功考入北京电影院表演系，并喺2003年以励志电影《跟著阳光跳舞》出道。入行17年，赵柯曾在《岁月风云》同林峰、佘诗曼合作，又试过喺《爱拼北京》同杨洋合作。
赵柯虽然曾因腰伤而放弃跳舞，但只要有机会佢都唔会放过。喺同邓丽欣、苏永康合作嘅电影《公主的诱惑》中，赵柯饰演酒吧跳舞女郎，电影开首，身穿黑皮Tube Top、热裤嘅赵柯除疯狂扭腰外，踢腿、拱桥、瞓地等动作统统做齐；其后她为了拯救酒吧，参加舞蹈比赛，deep v露背装配以性感舞姿，同佢喺《庆余年》深思细密又带点阴险嘅二夫人判若两人。
赵柯热舞逐格睇
+15