【法证先锋IV】剧情需要戴黑超　黄浩然被囝囝笑：你扮有型呀？

黄浩然今日（5/3）现身电视城出席无线剧集《法证先锋IV》之“发挥活力显爱心”宣传造势活动。对于今日公布第十二集（3月3日）直播收视达33.7点，冲破六年前纪录，浩然表示：“其实真系冇谂过会咁高收视，能够喺呢个疫症情况下大家闷闷地，发放一啲正能量畀观众同大家打打气。”

《法证先锋IV》每集情节紧凑万分，作为法证部高级化验师高Sir(黄浩然饰）当然每晚𥄫实部电视紧贴住案情的发展：“今次我有太太及两个囝囝一齐陪我睇，而我两个囝佢哋一路睇，就一路问一啲好得意嘅问题，但好多时我都唔会理佢，试过有一幕我好记得，讲我落车到案发现场时，攞咗一副太阳眼镜出嚟戴，之后阿囝就话我：‘爸爸你扮有型呀？’，跟住我话唔系呀，仲要解释畀佢知戴太阳眼镜嘅原因，系因为阳光猛烈，对眼擘唔开，咁所以要戴返副太阳眼镜，方便喺案发现场睇清楚啲证物。”