【庆余年】五竹叔完来系小鲜肉一名　佟梦实曾获史上最帅嬴政称号

《庆余年》去年喺内地播出时，获得网民甚高的评价，剧集终于登陆无线，仲要由星期一播到星期六。于剧中饰演隐藏高中五竹叔嘅佟梦实，一直以保护张若昀饰演嘅范闲为重任。值得留意嘅系呢位五竹叔，虽然全剧蒙眼，但却能清晰地分辨方向、打败敌人、避过小范闲嘅整蛊。不过，佟梦实就话试过喺拍夜戏时“走着走着就绊倒”。

27岁嘅佟梦实身高183CM，著起古装完全无问题，喺《皓镧传》中饰演嬴政一角，虽然戏份唔多，但在讨伐嫪毐时越发狰狞，即成功俘虏观众嘅心，更称佢为“史上最帅嬴政”；到前年播出嘅《新神雕侠侣》中，佟梦实版本嘅杨过被评为阳刚味十足，且有大侠嘅魅力。

佟梦实曾经系国家二级运动员、围棋业余五段棋手，大学时期又试过去山区进行支教，当初身边朋友都以为佢会选择同体育有关嘅工作，结果佢竟然去参加综艺《起航吧少年》并正式出道。至今拍过嘅剧集包括《青云志》、《艳骨》、《纨绔世子妃》。