【情深深雨蒙蒙】古巨基自爆曾想辞演何书桓一角：觉得我耽误大家

琼瑶嘅小说多次被改编拍成剧集，每每大受欢迎。由古巨基、苏有朋、赵薇同林心如主演嘅剧集《情深深雨蒙蒙》，眨下眼已播出近19年，呢日几位演员亮相内地综艺节目，古巨基拎出保存多年戏中嘅道具，更自爆曾经谂过辞演何书桓一角：“觉得我耽误大家。”

2001年播出嘅《情深深雨蒙蒙》，喺两岸三地都大受欢迎，古巨基亦凭何书桓一角演艺事业攀上新高，但呢日佢喺节目《王牌对王牌》中透露原来开拍后曾有意辞演，呢件事连戏中拍档赵薇都唔知情。古巨基话：“开拍之后大概两个星期左右，想要辞演，我觉得我耽误大家，这是我第一次拍这么长篇，是起伏这么多的一个戏，我觉得我能力不足，我觉得我做不到。”

当时古巨基更同助手，即系依家嘅古太讲，想同琼瑶讲演唔到落去。好在当时佢打咗个电话俾好朋友，曾经同一间唱片公司嘅梁朝伟，伟仔鼓励下令基仔重拾信心，无再谂点演绎何书桓，而将自己变成何书桓，最终令剧集及角色都得到空前成功。