【财政预算案2020】艺人欢迎派钱决定　林泳淘：我觉得政府好好！

财政司司长陈茂波今日发表新一份《财政预算案》，在多项派糖方案中，包括了向所有18岁或以上的香港永久性居民派发1万元现金，这亦是今次的预算案中惠及最多市民的一项措施。圈中一班艺人也有留意相关的新闻，对政府派发一万元当然表示欢迎。《香港01》就电话访问了林泳淘、江嘉敏、邝洁楹以及何远东，有关今次派钱方案的感受和打算怎样去花呢一万元。

林泳淘：“我觉得政府好好啊，虽然佢由始至终都冇听市民嘅意见，唔封关，唔帮医护，扑唔到口罩，但佢派呢一万蚊真系解市民之急，相信市民唔知几耐之后收到呢一万蚊，一定可以成功买到口罩架！！但认真对有需要嘅低收入人士来讲系好事，只系大家可能会更希望政府能够用心将正确嘅事正确地做，因为市民嘅心不能单靠钱维系的。”

何远东：“今朝一早起身就听财爷宣布。一万蚊有啲乜嘢感觉？无咩感觉，10000除开12个月，既系每个月有833.3333333，立即帮补买口罩消毒用品嘅钱啰，都系财来财去。扣除晒防疫开支，全部上缴阿妈储埋佢，等迟啲一家人去旅行。”

江嘉敏：“买防疫用品都唔止 (呢个数)，拎到手再算，次次派亲钱都冇份，今次终于有份。邝洁楹：“我唔会用，我会储起佢。因为啱啱交税都用咗唔少钱，同埋预计呢一年嘅收入应该都会相对减少。难得有一万蚊入番户口，我唔会乱咁洗啦。”

黄建东：“我知道政府嘅宣布，个人感觉系可以短暂刺激消费同埋帮补一下，但嚟紧失业率会继续上升，希望政府可以制造多啲就业机会。我自己嚟讲，因为外面好多工作都已经取消，收入骤降，呢一万蚊都系用喺基本衣食住行同埋购买必需品方面。”