【仨心友行】陈凯琳一讲抑郁即爆喊 高海宁有共鸣哽咽:我都试过

撰文: 邝钰莹
出版:更新:
《仨心友行》突然玩真情对话,个个都喊到收唔到声。(Ig:sammkoling )

由陈敏之做主持嘅旅游节目《仨心友行》,主力介绍马来西亚食、玩、买嘅好地方,昨晚(23日)播出嘅一集,陈敏之同陈凯琳、高海宁、杨明玩真情对话大冒险,问到大家最想回到过去的边一个时刻,陈凯琳一开口就眼湿湿咁话:“喺我入大学第二年,因为有啲情绪问题,我有一类型嘅抑郁,因为呢样嘢令我好难recover(康复),同埋我想父母好放心畀我同细佬喺加拿大相处读书,佢哋两个就返香港陪婆婆同嫲嫲住。(所以)我选择隐瞒唔同佢哋讲(病情),直至妈咪返加拿大,第一眼见到我就知唔妥,佢先知原来我每日打电话畀佢话好开心,其实都系呃佢。”

陈凯琳对于自己曾患抑郁一事,表示情绪病起因是不快的回忆,如今唔想再多提。(影片截图)

陈凯琳愈讲愈伤心,坦言成为妈妈之后,完全明白妈妈当时嘅心情,令佢非常内疚。“如果将来个仔咁样对我,我都唔知点算...我唔想佢唔开心,甚至严重到成为一个病嘅时候,我先知道。”高海宁闻言之后,都哽咽表示曾经因为入行后受负面新闻影响而患上抑郁,并指自己性格一直都好开朗,做事守规矩,但却经常被指与富商包养。“点解我咁畀心机做嘢,但你净系不停编造不实嘅报道呢?”近年无线有唔少节目都系揾几个友好艺人齐齐去旅行,当中总会加插一part“真心话”环节,个个都喊到收唔到声,套路同内地综艺节目差不多,但内地节目一般都有一个多小时去铺陈,但《仨心友行》播影时间只得30分钟,陈凯琳真心话更安排系节目开头……观众会唔会睇到黑人问号出晒嚟?!

杨明表示自己读中五那年,家中亲人跳楼身亡对佢打击十分之大。(影片截图)

点击睇高海宁靓相:

+10
陈凯琳如今有仔万事足。(IG:ghlchan)

陈凯琳、高海宁亲情对话逐格睇

+31