【辣伙头】邓月平新方法速煮洋葱汤获高度赞赏　抱郭奕芯爆喊

Viu TV煮食节目《辣伙头》，请来圈中多位年轻女艺人比拚厨艺，刚播出一集要以黑糖面包做菜式，除咗原有三位主持兼评判陶大宇、郭政鸿及大厨杨尚友外，更请来食家卢觅雪担任特别嘉宾。其实经过多集以来实战及锻炼，几位参赛者都实力升级仲愈战愈勇，自6岁起下厨嘅邓月平（Larine），决定以法式传统洋葱汤配松露油炒面包粒出战，结果击败一众对手夺冠，的确得来不易，当佢同郭奕芯及其他参赛者抱抱时，更感触得眼湿湿。

法式洋葱汤向来烹煮需时，但比赛时间只有一小时，起初评判都不睇好她可以煮出好味的洋葱汤。但原来邓月平早有准备，用新食材及方法去煮这个汤，令短短一小时都可以煮出传统味道。节目中，客席评判卢觅雪便称赞 Larine ︰“好好食，相得益彰，好满意系呢个效果。”大宇则话：“我希望你将呢个配方交俾我，我可以带返去同屋企人分享。”事后 Larine 表示：“大宇哥问我拎食谱时我好 surprise，我即场写咗食谱俾佢，希望佢返到屋企真系有煮呢个汤啦，而雪雪出名嘴刁，能够煮嘢食令佢满意都系我目标之一。”

提到赢比赛后喊晒，Larine 就说：“我觉得每一集都难，不过第一、二集精神啲，到第三、四集已经攰，半个钟嘅节目其实系拍成十几个钟赶制出嚟，到后尾时间唔够但又要日日拍，唔够瞓，压力真系好大，后来有啲女仔同我已经住喺 ViuTV 隔离间酒店等返工，放工就直接瞓。㖊晚𠮶集赢咗有啲喊喊哋，系因为努力咗好多集，到今集终于有得攞章，离决赛又迈进一步，系有压力同有动力，系特别大感触；同埋今集我同郭奕芯一齐企出嚟（本集四强），我想佢赢，我自己都想赢，所以揽𠮶吓都感触咗。”