【武汉肺炎】何雁诗禁区花万元买十几个口罩：肉痛好过喉咙痛

呢个农历新年喺武汉肺炎阴霾下，完全无过节气氛，亲友见面第一时间都系问口罩边度买？何雁诗呢日离港外游都有心系家人，买咗过万蚊口罩﹗“总共买咗十几个可重用/换filter的口罩，都要1万啦。”

何雁诗喺IG STORY贴出相片，见到一大个白色袋装住一盒盒口罩，原来系何雁诗喺机场禁区为亲友扫货，佢话：“Just spent almost $10k on masks!为咗希望个个人都可以买到，我只系帮咗有需要的亲戚朋友买咗每人一个，加埋一包filter，总共买咗十几个可重用/换filter的口罩，都要1万啦。Desperate times desperate measures……肉痛仲好过喉咙痛。”

相片一出涌入大量查询希望知道喺边度有得买，何雁诗再出IG STORY表示自己系喺机场禁区购买，并呼吁：“希望大家唔好买多，买够就好。$500一个可重用的口罩，另外可买filter大概$150三个。另外口罩是n95，未必可以阻挡到corona virus，我主要买的原因系因为真系无口罩用啦，所以只系抱著“好过无”心态，亦希望提供资讯俾啲同我一样状况嘅朋友们。”