【武汉肺炎】甄咏珊无惧疫情 唔戴口罩四围走 ：其实唔担心就假

甄咏珊今日（29/1）现身电视城为无线处镜喜剧《爱·回家之开心速递》进行拍摄工作。提到武汉肺炎疫情急速恶化，被问到未埋位为何不配对口罩防疫？咏珊坦言：“因为头先啱啱拍完一场戏，我觉得呢度安全所以冇戴，况且宜家公司对防疫工作都做得好好，每次要入TVb嘅人、都必定要量咗体温先可入嚟，而且我又要化妆要拍剧，怕戴咗口罩，令到皮肤容易敏感。”

为防范武汉肺炎在香港爆发，港府实施相应措施，将多项政府公共服务暂停，避免人群聚集，出现人传人危机。咏珊直言作为一位演员无可避免：“其实你话唔担心就假，我觉得我哋呢一行真系好伟大，始终我哋都系服务性行业，观众都要每日睇电视观看节目，咁所以我哋要不断提供优质嘅节目剧集畀观众，咁所以我哋冇可能戴住口罩嚟拍，又或者停咗啲制作唔拍，咁惟有尽量多啲注意个人卫生。”