岑丽香留港过年　帮囝囝储起利是钱：系佢㗎嘛，我点可以攞

岑丽香（香香）今日（10/1）现身铜锣湾出席新春活动，吸引近百名市民围观，场面热闹。大会准备了米奇老鼠和米妮老鼠同大家贺新年，香香见到大感兴奋，仲同他们互相拥抱：“好开心见到Mickey，由细到大都钟意佢，细个去Disneyland，我有一幅相同佢一齐影，我会记得返𠮶时有几开心。”

香香今年会留港过农历新年，初为人母的她会带埋囝囝Jacob外出拜年逗利是：“新年要着新衫，而家忙紧揾全家都match到嘅衫。要揾特别嘅嘢畀佢（囝囝），我又属鼠，帮佢打扮成小米奇老鼠会好得意。会带佢去逗利是，当然我都要派好多，开心嘅，系一种恭喜。（囝囝利是钱会点用？）会帮佢储起，系佢㗎嘛，我点可以攞。”

香港正值流感高峰期，又有疑似武汉不明肺炎个案传入香港，香香带囝囝外出时都非常担心：“要睇情况（出街），戴多啲口罩，要小心。”

另外，香香正忙于拍电影，迟些还会拍以BB为题材的新剧，她跟大家分享keep fit和保养方法：“唔建议极速修身，一定要健康方法，食嘅嘢健康啲，唔好食咁多junk food。做下运动，就算冇时间做一个钟头gym，都去下散步。（天气成日转，点保养？）用啱自己嘅护肤品，运动都好帮到，做下treatment，最紧要饮多啲水，我系有咩就食咩。”

点撃睇更多香香靓相：