庄思明千字长文投诉国泰航空　借笔被三度无视兼灭灯

庄思明 (Lisa) 昨日于她的IG、FB和微博出Post，发表了千字文来批评国泰航空的服务。她在乘搭该航空公司的班机去泰国参加朋友的一个宴会，朋友负责为她安排了经济客位，而她在乘搭期间就因为想问空中服务员借一支笔，三次亮灯召唤他们，却三次都被灭灯无视，令她非常生气，故她公开事件要求国泰处理。她还一度公开了该航班的空中服务员名单。Lisa今次的投诉亦引起了网民热烈的讨论。

以下就是Lisa的千字长文内容：
大家好，我今日飞咗去曼谷啦，原本谂住可以开开心心轻松两日点知系机上发生咗一d小插曲！

话说我今次嚟曼谷系参加一个朋友嘅宴会，因为机票同酒店都系朋友准备嘅所以我并没有多加要求，而国泰嘅economy对我嚟讲亦系相当舒适，服务一向亦非常专业！

讲返正题先，我今朝乘坐嘅航班系国泰嘅CX 619，我坐位系43D，我系航班中途㩒咗个叫空中服务员嘅灯因为我想借支笔填入境表。

我㩒咗一次好耐都冇人嚟于是我就睇睇我坐位上嘅灯，咦，点解熄咗但又冇人问我有咩需要嘅🤔？ 唔紧要，我再㩒过，点知又系俾人熄咗。

之后我㩒第3次，今次我就刻意向后啤睇吓会唔会睇到究竟发生咩事，终于俾我睇到啦，原来有个空姐系我后面熄咗我盏灯然系就拧转面行开咗！佢系完全冇问过我有咩需要就行开咗，我想叫都叫唔住佢！

其实我好明白空中服务员嘅工作系非常忙碌，有时候会唔觉意miss咗都唔出奇，特别系economy class因为佢哋要照顾大量乘客所以我都好体谅，但当我一而再再而三都被忽略嘅时候，加上我亲眼见到个位空中服务员嘅行为，我开始明白事情可能并唔系我想像中咁简单！

跟住我再㩒第4次，终于有个女仔急急脚走嚟，然后好有礼貎问我有咩需要跟住我就问佢借咗支笔填表。填完表后我谂咗一阵刚刚发生嘅事，我觉得有需要同机上嘅高级空中服务员表达，因为我唔希望呢种不快嘅事情会发生喺其他人身上。

于是我再㩒灯，借笔俾我个位空姐再次出现，我还返支笔俾佢嘅同时我同佢讲，希望可以将我嘅感受同佢上司反映。佢问我发生咩事，于是我就叙述返整个过程。佢好好，佢马上就帮我同咗佢上司反映，之后就有一位比较高级嘅男空中服务员过嚟问我更多detail。佢态度好好，不停同我讲唔好意思同埋佢不停来来回回咁帮我揾系边个空姐咁唔专业。

过咗几分钟左右个男空中服务员过嚟揾我，佢同我讲佢已经同经理讲咗件事同埋已经发现咗系边个，佢问我想点处理。

我向佢表示其实我只系想反映件事，希望呢种事情唔会发生喺其他乘客身上。

佢不停向我道歉，佢绝对系一个非常专业同有礼貌嘅空中服务员所以我都想系呢到同佢讲声多谢🙏🏻 (好后悔冇问佢叫咩名)

我讲件事出嚟系希望国泰可以积极处理类似嘅问题，因为作为全球其中一间最可信嘅航空公司发生咁嘅事实在系令我好惊讶

如果国泰嘅高层想了解更多关于这次事件嘅详情，我绝对欢迎你哋同我联络！

再一次多谢个位男空中服务员同机舱经理嘅帮忙 Thank you!

Lisa于她的IG公开机组人员的名单，被网民质疑她此举或涉及泄露他人私隐之嫌。对此，Lisa解释表示：“我问过律师，我并无犯法因为我没有公开个人资料例如身份证、电话、住址等等！希望你明白。”对于有网民质问她那张crew list是怎样得来，她就回应对方表示：“我不会影响我朋友，有咩事我一个人负责，要怪就怪我一个人！多谢你嘅体谅！”

点击下图逐格睇Lisa原post全文：