【丫鬟大联盟】刘思希色诱谢东闵吓亲自己：啲眼神太咸湿

刘思希（Lisa）今日（8/1）现身将军澳电视城出席无线（TVB）剧集《丫鬟大联盟》宣传活动，剧中饰演霍家大小姐霍燕贞的Lisa频频出招色诱谢东闵，掀起网民热烈讨论，Lisa说：“（角色）太咸湿实在系，希望各位观众可以接受。不过我都谂紧，古代冇得上网，资讯又唔发达，可能真系有啲千金小姐系咁。其实我睇返都有少少俾自己吓亲，因为拍𠮶时系凌晨3、4点，我都冇谂太多嘢就去到好尽，㖊晚睇返就觉得啲眼神太咸湿。大家都赶住收厂，重头戏就摆最尾拍，一定要尽快搞掂佢，冇咩包袱去到凌晨时分。”

刘思希在剧中非常主动，但现实中的Lisa却正正相反：“我唔系好主动，遇到心上人就会send message问下佢how are you，我就expect如果人哋对我有意思，就会约我食饭，直接问我去边度睇戏。我系倒返转，好多friend都叫我改变一下，学返你个角色，咁就会开斋。”

同剧的谢东闵因病缺席，刘思希希望对方早日康复：“香港流感好严重，佢都食好多维他命C，快啲好返，希望佢拎到最佳男配角奖。”最近武汉爆发不明肺炎个案，陆续有市民从武汉返港后疑染上不明肺炎，令香港市民纷纷戴上口罩保障健康，Lisa说：“因为我成日都要化妆，我好少戴口罩，因为惊抹到啲妆，但会注重健康，洗手同埋会带消毒剂，希望唔好感染细菌。做Artist长期都会有个口罩喺手袋，以防做咗咩衰嘢，约咗啲心上人，食饭呀，要保护另一半又或者朋友，就会戴一戴，等啲人唔好认到我哋。”香港出现口罩抢购潮，Lisa不太担心：“屋企都有自备，平时手术室嘅口罩，手袋长期有一个。”