【踩过界II】潘志文谈演中风技巧　要睇书讲层次：唔可以千篇一律

有无线御用“中风王”之称的潘志文（潘翁）今日（7/1）出席在电视城举行的无线剧集《踩过界II》开镜拜神仪式。“潘翁”今次在剧中饰演一名有权势的富豪，但提到与众年轻演员合甚有火花：“因为宜家啲演戏方式，同我哋老一辈嘅演戏方式真系好唔同，我哋旧有演戏模式系‘婆妈’少少，宜家嘅新导演新剧本新演员嘅做法好新时代，所以我都尽量迎合导演要求去做，跟住剧本条路去走，因为自己唔系好钟意去创新爆啲嘢出嚟，几十年嚟自己都冇呢个习惯。”

又要演中风？　潘翁：宜家未收到剧本话需要

被问到剧中会否有中风场口，潘翁笑言：“暂时到宜家都未收到剧本话需要，之前都拍过几部剧集讲我中风（《以和为贵》、《EU超时任务》、《幕后玩家》及《再创世纪》），其实演中风都好难，因为有好多层次，唔可以千篇一律，喺演之前都要做准备功夫，睇下相关书籍，再睇下啲真实个案，然后投放喺自己个脑度，到演嘅时候就会好容易做到𠮶种效果。”

【再创世纪】潘志文亲自解释中风演法：每一次爆血管都唔同

【再创世纪】潘志文又“中风” 除咗“歪嘴”仲有新演法！