罗霖不担心疫症爆发　每月仍飞内地三次行骚：艺人必须去内地工作

罗霖（Candy）今日（7日）出席化妆师Will Or的化妆学校开幕仪式，向来有“美魔女”之称的她当然对化妆甚有心得：“依家唔流行啲厚重嘅妆容，流行啲好薄好自然嘅，所以底妆必须化得好薄，如果化得太厚就会keep得唔耐，尤其我哋拍剧嘅时候，如果先用打底霜打底就可以保持20至30个小时。”她笑言想比起化妆叻，勤护肤才是最重要：“皮肤保养得好自然唔化妆都靓，而保养皮肤有三大要点，清洁、保湿、同防晒。”

Candy多年来都相当贪靓，她笑言自己很幸运得到很多品牌赞助或赠送护肤品，所以自己节省一大笔庞大开支每年至少七位数字：“你谂吓如果做机闲闲地都要十几万，如果保持身形或者皮肤都有人帮我，你话系唔系悭到七位数字呢？”她表示除了女士要适当地贪靓，男士亦应该注重皮肤健康，尤其是她的三个儿子：“尤其是佢哋青春期嘅时候，男仔嘅皮肤都好重要，唔系话鼓励佢哋要好贪靓，我唔钟意佢姿整，但必须要清洁同整洁，畀人感觉舒服，所以我喺屋企有时都会帮佢哋做针清，但系如果清得唔好好容易毛孔粗大同有凹凸洞，所以我搞唔掂就会带佢哋去美容院！”

近日武汉爆发多宗不明原因肺炎，本港亦陆续出现由武汉回港后出现疑似症状的个案，令市民感到相当忧虑。近月Candy多次飞往内地参与时装骚行catwalk，她表示会好好注意健康，多饮暖水、多睡眠、补充维他命C、在飞机戴口罩等措施来保护自己。她坦言自己作为艺人无法避免前往内地：“我哋做艺人必须去内地工作，因为香港依家嘅经济情况好多工作都取消咗，所以内地系我哋好大嘅市场，嚟紧我谂每个月都要飞三至四次内地。”