刘嘉玲叹投资不如老公：但我30年前就睇到梁朝伟系潜力股

刘嘉玲周一（30日）出席Activation Group上市新闻发布会，谈到暂未考虑为自己的品牌上市：“我梦寐以求！我自己做品牌五年、又帮咁多国际品牌做代言，最紧要系有工匠精神，唔可以急，唔好谂住开一两间跟住上市就拎笔钱走，系非常之不切实制；好多品牌都系经过几十年嘅精益求精先得到消费者同市场嘅认同，所以我会慢慢嚟，做好每一个细节。”

比较自己与老公梁朝伟的投资心得，刘嘉玲说：“佢唔声唔声叻过我㗎，佢出手快过我又准确过我，喺市场上赚嘅钱都多过我；但如果投资生意好似投资一个伴侣咁样，其实我都几合格，我三十几年前就睇到梁朝伟系潜力股！”

刘嘉玲在早前冬至邀请多位好友到其半山豪宅做冬，公开了内部的华丽装潢，原来当中有着一段故事：“我1995年就买咗呢个Apartment，𠮶度有好多美好嘅回忆，譬如张国荣当时住喺九楼，我哋有好多一齐成长嘅点滴。”刘嘉玲在那里住了十多年就搬走了，张叔平搬了进去，后来外墙要装修他又搬走了：“我又唔舍得卖畀人、租畀人，后尾David Tang（邓永锵）话帮我装修我就应承咗；因为我每一间屋都系张叔平帮我装修，系好素，而呢间就装修得色彩好浓郁，我觉得好适合用嚟请客、饮嘢、倾下计。”

近日刘嘉玲又前往泰国游玩，她表示这个旅程很是有趣：“我而家好钟意大自然，我一得闲就算喺香港都会走入大自然，我觉得大自然会俾到力量、正面讯息我。”刘嘉玲又分享了多段大象表演的影片，令不少网民觉得训练大象不易，她回应道：“我谂训练每一样嘢都唔容易，我哋啲运动员训练出嚟都唔容易，都要经过长时间、好残忍嘅训练先得！”刘嘉玲又表示自己从小已经很想接触大象：“中国嘅寓意系吉祥、平安，所以我见到佢好兴奋！我坐喺到睇佢画画、踢足球，佢踢得好过中国足球队，佢真系下下都中龙门，带俾现场观众好多欢乐；我一定好爱大象、好环保。”