【多图】孖日本AV女优浜崎真绪过平安夜　张建声：佢真系电力十足

撰文： 林迅景
出版：更新：

香港演员张建声日前与日本AV女优浜崎真绪（Mao）秘密一起到了马来西亚度过了浪漫的圣诞平安夜，今日才来到香港。他接受《香港01》访问时大赞Mao：“佢梗系电力十足啦，同埋好活跃！样靓身材正，绝对系完美。”同靓女度过开心又兴奋的三日，真令人羡慕。

张建声真系幸福，可以同浜崎真绪一齐玩。

不过此行就并非甚么拍拖旅行，而是登台赚钱的工作。原来张建声借由去年监制电影《YOLO》的机会，而学会了做一个夜场DJ打碟。他说：“今次都系Yami，即系洛儿（Lokyii）个师傅，帮我接骚，同Mao一齐打碟。呢次只系我第二次喺公开场合打碟，之前喺香港打过一次，今次就正式啲，好考临场反应同技巧，严格啲讲今次系我喺DJ界正式出道。”他更表示与浜崎真绪这几天相处得十分愉快：“佢男仔头性格，好似一Team人咁，边个打紧碟，另一个就会喺台下面打气，呢次感觉好正，嚟紧都应该会同Mao一齐出埠打碟。”

张建声打碟打到去马来西亚。

演出酬劳方面，他就笑说打碟的身价是秘密。他说：“酬劳就唔讲啦，不过唔需要开工嘅时候，呢啲都系好好嘅帮补，同埋可以同Mao一齐玩已经算系好好嘅酬劳。你知啦，这些机会不是个个人都有。”

一齐过平安夜。
张建声打碟都似模似样。