【全民造星II】过百粉丝力撑B4再合体　MC：好开心大家认同我哋

ViuTV年度重磅选秀节目《全民造星II》虽已落下帷幕，惟热潮仍未过去，以歌唱技巧突出而深受一众粉丝喜爱的B4组，成员包括MC（张天赋）、June（梁瑞峰）、Eagle（陈天翱）与Justin（陈乐）周六（21日）受品牌邀请出席活动，吸引过百名粉丝到场支持，MC认为这是个难得的机会；Eagle又感谢粉丝们的支持：“系件好开心、好感恩嘅事。”

圣诞就到，准备好礼物未？投【01最赏睇娱乐大奖】，有大把礼物抽㖞！超过70万元丰富奖品，包括旗舰手机11 Pro Max、Dyson风筒，仲可以有01积分换唔同礼品！

说起人气的变化，MC（张天赋）忆起节目播出前，40强曾到商场出席记者会：“当时同而家最大嘅反差系当时叫到MC都冇咩人嗌，而家一出到嚟已经嗌，差别都几大，好开心大家开始认识、认同我哋，呢样系最开心。”June表示认同：“最感动系身边嘅朋友有实际行动支持我哋、嚟撑场，呢样系参加比赛时冇谂过嘅，啱啱唱返比赛歌《Mirrors》（Justin Timberlake原唱），听到Intro系有啲感动，当时准备比赛完全冇谂过今日有机会现场唱。”

Justin感谢Miss Chan Chan撮合B4

B4组今天广受粉丝们欢迎，Justin归功于最初的分组策略：“Miss Chan Chan（陈洁灵）同花姐将唱将Group埋一齐，而好多时候导师都会将唔同范畴嘅人放埋一组，可能未必可以发挥到极致；好幸运地我哋四个一齐唱歌有火花，系意想不到。”

至于粉丝均十分关心的B4组未来会否延续下去，MC说：“我哋想专注喺音乐上，我哋都有讨论过一齐合作出歌、写歌、或者有其他作品；大家都钟意音乐，会循呢个方向进发。”Eagle赞同：“无论用咩形式，都有个宗旨系做好自己嘅音乐。”June续指：“B3、B4有好多意念上嘅交流，希望同大家分享我哋唱歌以外嘅一面。”Eagle就提议跳舞，却被MC所否决，June打圆场说：“搞笑都得嘅！”

比赛已经落下帷幕，大众均十分关心各成员的去向，获得亚军的MC说：“其实暂时所有嘢都未倾，我哋都要啲时间考虑，都需要谂清楚我哋嘅初衷同嚟近嘅发展方向。唱歌都有好多途径，暂时所有嘢未有进展。”至于决赛完结后评判之一的林珊珊向传媒透露几位评判皆有意签Justin，对此Justin说：“我好开心佢咁样讲，但所有嘢都系未倾，我自己都未确实自己嘅方向，我都要谂清楚先。”