Judas罗凯铃音乐节演出获另一半撑场：今年大丰收好感恩
撰文： 洪晓璇
出版：更新：
《01最赏睇娱乐大奖》“最有话题新闻”包括我最喜爱男歌手、车厢偷食等统统上榜！立即投票赢取超过70万元丰富奖品，包括终极大奖旗舰手机11 Pro Max，同埋01积分等。
被网友誉为“Busking王”嘅罗凯铃Judas，刚完成个人演唱会，呢日到Singleton音乐节第二场演出，吸引大批Fans慕名入场：“今次我都系唱人地歌为主，最紧要大家听得有共鸣，何况fans钟意听我把声，所以边个首歌冇问题，我习惯系叫大家点唱，佢地想听乜我咪表演乜，佢地开心就可以！不过呢个方式几考功夫架，因为我未必首首都识弹识唱，尽可能满足大家。”
Judas就话自己酒量浅，钟意浅尝威士忌：“呢晚开骚前我唔敢饮酒，因为怕影响音准，所以完骚之后可以呷两杯！其实我通常都系屋企饮酒，所以唔洗怕饮醉。但系都试过饮多咗，搞到系咁呕，个一刻发誓以后都唔再饮，不过几日之后当然唔记得咗啦！”
罗凯玲笑指另一半都有到场支持，享受音乐节的乐曲：“去到冬天唱歌其实好好feel，因为圣诞节冻得嚟又甜密，好多冧歌可以唱！今年我系大丰收，由街头busking变到有人邀请我去音乐节演唱，好感恩大家的支持！出年我都会继续钻研乐器，好似鼓或者铜管乐器，希望自己作品会有更多人认识！”