【晚吹】网红搣时潘与同居男友坚持无性恋爱：无咩兴趣

《01最赏睇娱乐大奖》即日起至12月24日接受投票喇，仲可以参加劲抽双重奖，随时赢旗舰手机11 Pro Max、Dyson风筒、01积分等，总值超过70万元！

喺讨论区备受巴打力捧嘅“搣时潘”(Miss Pun)有样有身材，不时都会喺IG或个人网志大派福利图，性感程度足以令人喷血。搣时潘早前同佢位公民党男友刘家衡（Andy）齐齐上ViuTV两性节目《晚吹- 啪啪Partner》，虽然节目向来以讨论“性爱”为题，但搣时潘就一改传统，因为佢要讲嘅话题系“无性恋爱”！

搣时潘同男友Andy同居两年，但至今未曾发生过任何性关系，她表示对于一段无性关系嘅恋爱感到十分满意，主持人问到搣时潘可曾发生过性关系时，佢就话“无”并强调“无咩兴趣”，同埋会觉得咁比较舒服、安全。至于男友Andy同样系未曾有过任何性经验，但佢就话“但我会有性欲，如果有机会可以试 ，都会想试，但尊重女方意愿。”

搣时潘话平时睇戏时如果睇到情欲场面都会知发生咩事，但就从未因而挑起自己嘅性欲。“不过我有时会睇GV(Gay Video )，虽然系会去好奇而接触，但唔会话想试。”虽然搣时潘讲到自己咁神圣不可侵犯，但接下来佢嘅言论其实都几奇怪。“我有试过用手 ，好麻烦。同埋好似做运动我可以影相po，但如果我做完呢个运动，我无任何嘅得益，又唔知做紧咩……”呢个逻辑，怕且连搣时潘男友都未必会理解。节目日，搣时潘一而再话自己无性需要，并谓“我比较担心有怀孕风险，因为我自己做model，keep住身型好重要，同埋一怀孕可能就系我事业终结；另外，我自己本身来至破碎家庭，父母都系无计划之下有咗我，我见佢地感情唔好，所以无计划下有小朋友，只会令自己以后过得好差。”

听到呢度，连主持人都忍唔住提搣时潘呢个世界有样嘢叫安全套，但佢就话安全套都有风险。“同埋我个人好懒，可能连拎啲衫落街洗都懒，唔会想特地去买呢啲，嘥钱。”男友Andy虽然未曾有过任何性经验，但佢就话自己都会有性欲，搣时潘话送过飞机杯俾对方之余，亦不时send自己嘅性感照，咁其实系未只会令男友更辛苦？但搣时潘就强调完全唔担心男友会因而出轨，原因系“佢好怕羞，我哋拍拖几个月佢唔敢喺我面前除衫。”