蔡思贝胡鸿钧十日内密会三次　IG并肩合照露端倪　

娱乐圈年度“最Sweet新闻”名单有喇！即到《01最赏睇娱乐大奖》投票，仲可以参加劲抽双重奖，随时赢得终极大奖旗舰手机11 Pro Max、Dyson风筒等。

蔡思贝自参选2013年港姐夺得亚军入行以来，一直被TVB力捧，一剧接一剧，佢嘅人缘亦相当好，同时亦多次同男拍档传出绯闻，近两年佢嘅名一直同余德丞痴埋一齐，但呢日有传媒影到，蔡思贝同胡鸿钧Hubert十日内密会三次，得悉被记者撞破时更疑似默认恋情﹗

报导指二人自拍摄节目《降魔的捉妖游戏》后开始熟络，近大半年Hubert被公司雪藏投闲置散，思贝一直喺身边支持鼓励令恋情萌芽。有记者影到Hubert十日内三次驾车到港九各区接送思贝，等候期间Hubert仲买定小食俾思贝，相当贴心。当记者现身追问两位系咪拍拖时，二人面露紧张神色，不断回避镜头，落车后面对传媒追问，则口窒窒坚称只系朋友。

睇返两个人嘅IG，18年12月思贝孖住余德丞，一齐去睇Hubert嘅音乐会。至今年7月17日又见到佢地三人行，约埋赖慰玲一齐去睇郑秀文演唱会。睇完骚例牌到后台揾SAMMI合照，Hubert同思贝并肩企，当时大家只留意到思贝同余德丞一左一右企开看似避嫌。思贝当时上载呢张相并留言话：“follow love,follow friends, followmi”依家睇返转头，到底系单纯提起演唱会主题，还是借机同Hubert传情呢？真系要问返当事人先知啦。