乔宝宝离巢转战电影界接两戏　暂无打算回归无线：好马不吃回头草

乔宝宝今日（23/11）出席在尖沙咀举行的电影《食人狂魔》发布会。乔宝宝透露手头上有两套电影将会参演：“呢部系其中一部，呢套嘅角色系演一个成日撞板嘅差人，当中都有啲惊吓场面情节，我就同导演讲你揾我做已经够惊吓，哈哈！”（会否要求导演加插情欲戏份？）乔宝宝笑言：“唔会啦！费事啲观众睇完唔开心又反胃呀，影响市容，哈哈！”

提到与无线约满不获续约，忍痛结束13年宾主关系，乔宝宝直认非常伤心又难过：“其实系一间公司做咗超过十年时间，真系好难得，当年喺惩教做咗16年离开，感觉一样都好唔舍得，其实我系呢4年间，不停向无线敲门，要求佢哋畀啲嘢我做吓，不论客串角色都好，我都冇所谓，但被佢哋投闲置散，感觉好唔受佢哋尊重，话晒做咗咁多年，无功都有劳呀，其实冇剧集畀我拍，都可以畀综艺节目我过下瘾拍下呀，但结果系零，咁样真系影响到我生计。”（假如无线再揾你续约会否考虑？）乔宝宝斩钉截铁话：“好马不吃回头草。”