【失忆24小时】汤洛雯修身成功靠运动　谭俊彦：靓汤系唔使撇油嘅

TVB小花汤洛雯（靓汤）在无线新剧《失忆24小时》中饰演一名心理医生，今日她出席剧集拜神仪式时接受《香港01》访问，透露了她在剧中与男主角谭俊彦的暧昧关系。

汤洛雯讲道：“喺剧入面我会帮阿Shaun（谭俊彦）揾返𠮶24小时嘅记忆，所以就会好多对手戏，不过我哋又唔算系情侣，应该算系友达以上，恋人未满。”她表示，自己跟谭俊彦的外型十分相衬：“我好开心我哋两个都系大头宝宝！”语毕，她即时叫了路过的谭俊彦入镜，说：“系咪呢？”

拍剧时有甚么趣事？汤洛雯回答：“我同佢相处方式就怪啲啰，因为我同佢都系非一般正常人。”谭俊彦：“因为我都唔正常㗎！我都叫佢唔好扮正常，（拍剧时）做返自己唔正常咪啱啰。”言谈之间，汤洛雯也大赞谭俊彦：“佢超好人，超Nice，超有型！呢样嘢好紧要。”谭俊彦又赞她是“靓汤”，更开玩笑的说：“靓汤系唔使撇油嘅。”汤洛雯：“喂吖，哈哈，又系浩然（黄浩然）呢句，不过多谢佢。”

被问到近来的减肥计划，她说：“我而家畀个目标自己，令到做运动变成自己嘅生活习惯，所以并唔止修身咁简单，同埋我想练返少少肌肉。”有磅过瘦了多少？“冇，因为我觉得磅数系会畀自己压力。”