【牛下女高音．专访】King Sir未算最难请　监制黄伟声爆另有其人

资深监制黄伟声和金奖编剧龙文康继《老表系列》再合作新剧《牛下女高音》，虽然一度传出剧集因“安心偷食事件”影响，临时被TVB抽起沦为仓底剧，但最终《牛下女高音》以台庆剧的姿态播出。谈起剧集的命运真是如同过山车般起起落落，二人接受《香港01》访问时都直认：“每一套剧都有佢条命，佢条命唔系我哋决定，我哋已经做咗一件好美丽嘅事。”

的确很美丽，《牛下女高音》是难得以一众实力非凡的“绿叶”演员担起大旗，个个要演得又唱得。谈到选角难度，黄伟声指：“成个过程最难决定就系揾𠮶个校长，因为成部戏个主轴你讲个校长返嚟。所以我哋第一选择一定系King Sir（钟景辉），𠮶阵仲担心King Sir肯唔肯做呢？因为大家都知King Sir好少拍嘢，身体又唔系咁好又做大手术。同埋都要尝试揾到King Sir先，如果King Sir点头，成件事就水到渠成。（最后King Sir难唔难请？）同 King Sir讲晒成个故仔佢好钟意，佢觉得竟然揾一班中佬同佢演，可以令一班中佬再发光发热，仲可以带畀佢哋希望同明天，所以佢好钟意个题材，只要唔好令到佢老人家太辛苦，就OK可以拍。”

全剧最难请不是King Sir　监制爆另有其人 

原来在剧中King Sir都未算是最难请，另一位女演员都令黄伟声花尽唇舌：“仲有要揾好耐冇演戏的罗冠兰亦都系需要花少少唇舌去倾，因为佢都好耐冇拍剧，唔知点解佢哋个个一听到个故仔就好钟意，因为可以同King Sir合作又可以同一班中佬合作。其实佢谂住退休，都冇再谂住喺演艺教，我就问佢休息之余不如都返嚟拍吓剧，咁佢就话好。”

龙文康否认黄心颖角色不讨好：佢哋好可爱

而女主角黄心颖在剧中亦有别于一般，除了“我唔会做第三者”等对白如同预言一样，做事马虎兼不修篇幅，角色不太讨好！问到为何有这个设定，龙文康就解释指：“点解呀？我身边有呢啲朋友，但佢哋好可爱⋯⋯因为环顾身边有好多你同佢相处同生活未必系好似佢返工呀，其实都好来自于日常生活遇到嘅朋友。佢动机唔系贪，都会好自责自己冇能力，其实个过程系佢点样揾返自己。”

黄伟声透露演员拍摄时坚持唱Live

黄伟声更透露在拍摄过程中，虽然一众演员早在录音室录定，但拍摄时唔少演员在现场唱得更好：“我哋真系有好多唱家班，有蒋志光、郑敬基、曾航生同黑妹，本身谂住喺现身咪嘴，但阿蒋好多时都会提出（录定等歌）个感情同感觉唔系好出到，所以好多场都系佢哋现场Live唱。因为佢哋觉得平时冇乜所谓，但唱嘅时候要有戏，佢哋都钟意Live。”

神预测张振朗未必跑出　救市靠中佬！

而黄伟声向来被称是“红人魔术手”，曾棒红过“阿旺”郭晋安及“Laughing哥”谢天华等演员，他亦都曾在2009年接受访问时称“睇好”当时刚冒起的马国明和杨怡，到底目前他又“睇好”哪个小生花旦呢？他笑言：“系咩？我都唔记得咗⋯⋯而家我当然睇好我班中佬，因为我觉得呢班中佬可以再发光发热，佢真系做得好好，应该可以再上一层楼！（张振朗呢？）张振朗？张振朗都系一个有潜质嘅演员嚟嘅，不过可能大家觉得佢黑仔喇呢！”

点撃下图睇更多！