苏玉华电台透露为换自由身 放弃TVB爆骚机会：试过拎住叠通告喊
撰文： 邝钰莹
出版：更新：
舞台剧出身嘅苏玉华，于92年加入无线（TVB）后，经常获安排演出机会，《真情》、《僵尸福星》、《茶是故乡浓》等经典剧集均有份参与。不过日前佢接受港台节目《疯Show快活人》访问时，透露人生最痛苦嘅阶段原来系喺无线。“喺TVB拍到天昏地暗，初初入去头几年，好使好用人工平，因为仲未系部头，所以佢派咩工作畀你都要Say yes。爆骚爆到七彩嘅阶段，我好记得有一日，同时接紧三套剧集，当然唔系话套套都好重戏，但都要做、付出时间，有次PA比叠通告嚟，系一叠，拼埋一齐睇嘅时候，我喊。基本上你见到嚟紧嘅日子冇得瞓，唔系人过嘅日子。”
苏玉华认为演戏并不是日接夜、夜接日的拍摄方式，当时的环境令她十分痛苦，于是她向无线提出签部头约，为嘅就系可以Say no。她表示：“最痛苦系你系付出咗，冇得瞓、好疲倦，但你知道自己有可能一半以上时间拍紧垃圾，𠮶个系最痛苦。电视台有好多人可能都仲系好努力去做好，只不过有啲嘢好无奈， 佢未必个个作品有咁嘅质素，有啲嘢亦都会求其，流水作业就当系做咗，系令人可惜，但唔好抹杀其实仲有好多人好努力，佢地希望真系做好嘅嘢。”
点击睇苏玉华无线作品
+5