【视点31．文字重温】舌战杜汶泽　阿叻回应：我唔识谂你哋年轻人

香港反修订《逃犯条例》运动持续多月，引起严重警民冲突，造成社会撕裂的局面，“蓝黄”争拗没完没了。连月来多次为香港人发声的杜汶泽和曾多次表达撑警言论的陈百祥今日（5日）出席香港电台“视点31”的直播节目《谈局势论民情》同场较量，讨论现时香港局势。叻哥一向是撑警人士，早前不但为警员送上奶茶慰问打气，更表明：“如果我做警务署长好了，两个月前就开了真枪”，引起网民热烈讨论。而杜汶泽多次在社交网站发声，身体力行出席多个游行活动，七月时因一名网民企图轻生，阿泽四出寻找该名网民，并在直播中声泪俱下。杜汶泽表示今次受利君雅邀请，表明会以礼相待陈百祥，不会令利君雅“孭镬”。

立即重温两人的金句：

提到有记者要求警察出示委任证而得不到回应，陈百祥指：“我都唔知你系咪记者，（主持和杜也指记者有记者证）系，但系人都发到出嚟，佢话而家系内乱，点会有记者系警察中间影住，都未开始就阻住警察。我哋唔拗，睇返画面。”

杜汶泽对委任证的看法，他说：“委任证我相信系用嚟表示警员身份，正如叻哥话，如果有独立调查时间，当然可以根据编制、时间、地点，佢系出现过，但系委任证存在意义系适别佢系一个警员，而家系冇人戴委任证出嚟咁济，佢又蒙咗面，完全唔知佢系边个。佢可以做任何一样嘢，未去到身体暴力，好多差人喺街挑衅市民，变咗喺呢个时间如果唔自己戴委任证出嚟，呢种所谓互相挑衅、互相仇恨嘅状况冇可能停止。”

主持表示，睇到唔委任证查唔到，陈百祥指：“你讲紧系而家发生紧嘅嘢啫，点解要畀你睇委任证？全部有片，而家啲科技系封咗样都揾到个人，同埋佢喺边度出勤，边班出勤，佢有晒编号，点解会跟唔到？你听唔到保安司讲过咩，佢哋系站喺前线，冇得匿，唔系暴徒咁掟完就走咗去揾唔到。（杜：咁个委任证系用嚟用咩？）委任证就系当天下太平嘅时候，警察出嚟维持秩序，你想睇吓佢系咪警察，𠮶张系委任证。点会警察执行紧咁危险嘅工作𠮶时，喂畀我睇吓委任证，唔系咁荒谬吓嘛？”杜汶泽表示件衫可以放证，陈百祥就指如果你觉得有问题就去独立调查。

陈百祥再讲学校之事：“你入我间学校，你想读书就要尊敬学校，你冇理由毕业蒙面去拎cert，咁校长咪唔同你握手啰，呢啲系好基本礼貌。校长唔同你写啲抗议警察嘅信，你又困住人几个钟，唔系咁样系学生嘛？有犯事就要惩罚，你反抗就要捉到你，边个得闲强奸你？你唔好抹黑警察喇，佢边度强奸你？点会有死人？冚棒唥都冇尸体。”

陈百祥突然说：“选举系一个方法，每个地方都有唔同方法，系应个地方制度。”杜汶泽指：“我系一半都认同叻哥讲法，港英年代系冇民主，港督都唔系我哋选，点解而家啲人要话选？我都觉得好奇怪，点解以前冇嘅嘢而家要有呢？我一路都谂呢个问题，会唔会系英国人本身对我哋骚扰性好细，变咗会觉得冇民主都几好。而家可能中国政府对我哋骚扰好大，（陈你觉得有，我觉得冇㖞）而家就系有二百几万人行咗出嚟啰。”

被问到希望香港最后的结果，杜汶泽说：“我相信如果冇一个真正民选选举选特首，我相信问题会重复发生，2014雨伞完咗，每一次民怨，深层问题冇解决，下一次一定会再扑出嚟，深层矛盾一日唔解决，听日会再出，如果佢认为唔公平的话。”陈百祥表示一半认同：“深层矛盾唔系一朝一日解决，能唔能够公众去选，去循序渐进，选特首，邓小平话一国两制系谂出嚟，执行时中央系放晒权力畀香港，由你自己决定，我哋个时代唔好话选，系一张票都冇。你要跟住基本法行，中央畀唔畀全民选，我哋系中国政府其中一个城市，不过一国两制大家都未见过，所以咪摸住石头过路，咪变咗而家咁。我冇话呢个制度完美，系过程嚟，过程系一件事度一定有高、低、啱、唔啱。”

【视点31】杜汶泽陈百祥40分钟激动辩论 金句连环爆立即重温

关于721事件，一班白衣怒打市民，杜汶泽质问陈百祥当然警察点解不开枪？陈百祥指：“我剩系睇‘殴’斗，点会系打？班人只系得滕条、胶通。”

主持人重提陈百祥早前的撑警言论，他继续坚持：“呢个当然会，当开真枪系必需，系生命垂危下，最近得把枪，唯有用枪。”他更拿出美国、智利也有警察用枪，杜汶泽指：“关于美国，美国本身可以买枪，对警最危险系人人有枪，美国系民选国家，但香港而家系行紧紧急法，唔需要通过任何嘢，美国系有监管，美国有人开枪　香港就可以开枪？个靓仔系拎住胶通，支持开枪绝对系灭绝人性，点解香港人咁憎陈百祥，就系因为咁，因为佢觉得有人憎都冇所谓。”

主持人亦问到关于美心创办人女儿伍淑清的言论，指要放弃年轻人，杜汶泽指：“伍淑清对中文理解唔系太清楚，你要放弃首先你要拥有，年轻人本身唔系佢拥有，我都唔知佢点放弃。”陈百祥回应：“我谂佢呢个系言辞修饰，放弃意思系对年轻人绝望，我觉得年青人今次系受害者，我系希望上嚟讲吓嘢，有一万个有一个听到都好，香港系我哋屋企，有免费教育、医疗，自由度一定名列前茅，咁你争取咩？佢哋佢就最好，但我见唔到。”

对于艺人被大陆封杀，杜汶泽指：“解约系冇办法，国家文化系咁　你讲嘢佢唔满意，个市场喺佢度，佢唔欢迎你无可厚非，艺人要自己调节，唯有唔好乱讲嘢。”陈百祥冲出来指：“我系乱咁讲嘢，人有独立思维，我睇系正确，警察系唯一维持治安，做咗磨心，咪撑佢哋，佢地一定要出嚟保护。”

主持人提到护旗手，杜汶泽指：“有好多因素我谂，有啲真心，有啲工作，你要有人支持就要咁做，中国民粹就系咁，你唔支持佢就系反对佢”陈百祥补充：“香港就系咁，你唔支持佢，佢就‘狮鸟’。我从来冇做护旗手，一个国家保护自己国旗系天公地义，唔觉得做咗就有人揾你做嘢。”杜汶泽指：“叻哥呢句讲我啱，有麝自然香，有部份为咗收钱咁做。”

杜汶泽指：“叻哥意思治乱世用重典，即系唔使用法治？”他亦指我最反对暴力，例如警察对被捕的示威者继续施用暴力，这种滥权为什么没人追究？示威者有心理准备承担后果，警察为什么不用？陈百祥指：“观点与角度，佢究竟捉到未呢？”阿泽指他们这种盲目支持警察的人最恐怖，“为咗唔打烂个香港，就唔追究警察滥捕？再有呢类型盲目支持警察嘅言论，年轻人唔会停低。”

陈百祥指：“我唔识谂你哋年青人，可能有鸿沟，因为好多都系97后，97无历史系必修，要母语教学，无普通话点认识中国？年青人唔会对国家国语有深入认识，我唔知系咪，因为我唔识教育，年青人受摆布，受到教育摆布。”

主持人问到香港人对娱乐，杜汶泽指：“我相信内战期间，呢啲娱乐微不足道，如果香港人受到咁大人为性伤害，香港人仲娱乐，会好凉簿。”陈百祥指：“你觉得系内战时间？”他续说：“佢有佢睇法，呢个月对香港系悲剧，自我出世从未见过咁，睇到暴力。”

1635 直播仍未开始，港台fb大量网民留言。

1615左右 两人到达港台。

1600 杜汶泽于facebook表示：“多谢所有街上面遇到嘅市民、网上嘅留言、朋友嘅短讯，为我加油打气，收到晒！今朝我阿妈话以我为荣，我愿以荣光归香港！”

距离开赛还有一段时间，阿泽则率先在facebook发言，转载一张网络上的创作图片，图片是阿泽的画像，衫上写著“荷兰铲”，阿泽留言说：“感谢神　主能够　主能够　我知祂能够......”