“No More Shine”后首次同场劲尴尬　徐天佑：同又南直头冇联络

早前徐天佑在社交媒体中向网民指出“No More Shine”，疑似因政见不合与黄又南划清界线，令人觉得两人18年兄弟情不再，今晚（29/10）两人在金钟举行的“香港亚洲电影节2019”开幕礼上碰头，宣传合作演出的新戏《再见UFO》，即成全场焦点。

天佑在台上发言时，又南全程没有望向天佑，借故与身边小演员对话，而轮到又南发言时，天佑亦同样与身边卫诗雅交谈，看似有心回避对方。大会在活动结束时安排所有嘉宾到台上举香槟祝贺，两人虽同台却互当透明，没有碰杯交谈。活动完结后，他们亦没有一起接受传媒访问，而是各有各做，非常尴尬。

谈到二人关系，黄又南接受《香港01》访问时亲自解说：“其实好多人都会问我同天佑究竟咩关系？其实喺今年年头，其实我哋公司同天佑大家都有一个方案，其实系想大家分开发展，好似天佑佢想做返自己嘅音乐，我自己亦想专注喺电影及音乐方面嘅工作，其实之前我经理人公司都回答过。”

问是否因政见立场不和？又南答谓：“我相信唔会因为呢样嘢，我哋唔会因为呢啲嘢闹交，我哋而家绝对系朋友。（为何刚才见到你哋在台上眼神零交流，没有碰杯？）大家太敏感啦，千祈唔好咁谂，头先佢在台上讲嘢嘅时候，因为我要照顾旁边嘅小朋友，因为佢同我讲佢好紧张，所以系咁啫。”

问为何与黄又南分开做访问？天佑受访时表示：“其实呢啲嘢喺社交网站都解释得清清白白嘅，咁不过可能大家对我当时讲个句‘No More Shine’有啲疑问，当时我冇回应到，但公司经理人帮我回应咗，咁而家要我夹硬去再去解答我所讲嘅嘢，自己始终都觉得对公司都好唔尊重，咁就用公司嘅答案啦。”谈到两人零交流时，天佑坦言双方感陌生：“我哋好耐冇见，直头联络都冇联络过，起码成大半年都冇电话联络，今日下午做访问先见返。”不过二人在台上避忌得相当刻意，好像担心传媒拍不到不和，艺人对社会议题发表意见，的确会影响到发展，划清界线不影响对方，或许这才是真正的朋友。

点击下图逐张观看“No More Shine”后两人同场情况：