【后生仔倾吓偈】李嘉示范铁裆功　冯盈盈：蛋蛋会随温度收缩放松

最新一集《后生仔倾吓偈》以武术为题，并揾嚟武术师傅李嘉做嘉宾。节目中，除有后生仔问到练武与童子尿嘅关系之外，冯盈盈同陆浩明对于“缩阳”以及“铁裆功”感到十分好奇，李嘉表示吊阴功系铁裆功嘅范畴，虽然有人练到弗弗声，但其实其不需要做到太极端。“下阴被人踢之所以会痛系因为两粒蛋(睪丸)受到攻击，只要将粒蛋收埋但就唔惊啰。”身为女子嘅冯盈盈，对于“收蛋”比陆浩明更加感到好奇，仲话：“我哋有倾过好多次𠮶两粒小蛋蛋……”

小呢个形容词，对于男性嚟讲都系一种忌讳，冯盈盈个“小”字一出，李嘉即时问佢“边个小蛋蛋？”估唔到冯盈盈又答到㖞“我平时见开……鹌鹑蛋，平时喺屋企食鹌鹑蛋，我出嚟先有鸵鸟蛋。”冯盈盈继说：“啲蛋蛋会随温度收缩啲同放松啲……”能够对“蛋蛋”收同缩都可以了解咁得透析，性博士绝非浪得虚名，连李嘉都要俾个服字佢，由于李嘉表示“练功夫练到唔用温度控制，用内劲一提就以佢收上去。”引得一众后生仔十分好怪呢个操作到底系如何进行。

正所谓心动不如行动，李嘉即场示范“铁裆功”，仲揾嚟KOL波波做对手，镜头所见，波波连接对李嘉下体起飞脚，在旁嘅男士都十分担心，但李嘉就非常轻松，仲面带笑容叫波波继续，波波愈踢愈起劲，并谓：“我已经好大力。”之后，换上四位男仔上下左右咁围攻李嘉，但佢都系面不改容，将传说中嘅“金钟罩”尽情发挥。