落选港姐蔡嘉欣火速上位做主持 应届冠军黄嘉雯：有啲羡慕
撰文： 吴子生
出版：更新：
应届港姐冠军黄嘉雯（Carmaney）今日（22/10）出席在将军澳举行的TVB52周年明珠台《台庆巨献》精彩猛片造势活动。提到睇戏Carmaney就话任何类型猛片都钟意睇，惟独唔睇鬼片：“以前读中学嘅时候就好钟意睇鬼片，但而家就唔会睇啦，因为成日都只得自己一个，自己会觉得好惊，以前细个就觉得好刺激， 无理由而家畀钱去自己吓自己啦！”
对于落选港姐好姊妹蔡嘉欣闪速签约无线，并获安排担任节目《姊妹淘》做主持，Carmaney就话：“见到佢咁快可以做主持都有啲羡慕，不过明白啱啱当选完港姐有任务在身，所以会有啲唔同，同时希望参选完华姐后，可以参与不同嘅剧集或主持嘅工作，自己就想拍旅游节目多啲，因为自己本身都钟意去旅行。”