【解决师】杨柳青同李天翔演出浴戏：入行以嚟最最最性感

TVB台庆剧《解决师》集合警匪和校园元素，剧中有不少打斗场面，但亦不乏香艳激情戏份。除了冯盈盈同张颕康有一场浴室湿身激咀戏之外，在剧中饰演秘书的杨柳青，就同李天翔有一场出浴戏，两人浸泡泡浴谈情，杨柳青更露出整个玉背，相当大胆！

在剧中饰演李天翔女友的杨柳青，今次有不少性感演出，当中最吸睛的绝对是这场出浴戏，她在接受《香港01》访问时，就直言这场戏是她入行以来最性感的演出：“我攞到剧本嘅时候都有啲紧张，但都好想演好佢，想畀观众睇到唔同方面嘅杨柳青。咁我事先都做好晒准备，黐咗Nude Bra、着咗打底裤。拍𠮶阵其实冇我想象中咁尴尬嘅，因为天翔好好，好Gentleman，我Get Ready嘅时候佢完全冇正面望我，佢全程‘岳’高个头望住天花板，未免我尴尬，到Action正式Roll机嘅时候佢先至做戏，好多谢佢配合我，佢系一个好好嘅Partner。”

除了这场出浴戏之外，杨柳青更会以比坚尼上阵，色诱温家伟，为了展现最佳状态，她在拍摄前都努力操Fit身形：“其实我最担心嘅系自己嘅身形，出嚟嘅效果好唔好睇，我自己对呢方面要求好高。所以我特登唔食饭、唔饮水，令到自己干身啲。本身系想操到有马甲线同Abs（腹肌），但因为时间太仓促，个效果未系最理想，希望下次有机会拍嘅时候线条可以再靓啲啦。”

模特儿出身的杨柳青，近年转型做打女，动作戏绝对难不倒她。2017年她在台庆剧《溏心风暴3》中饰演Jenny一角，因为身手敏捷且表现突出备受关注。今次再获总监制刘家豪邀请参演《解决师》，她亦直言拍摄过程很开心。不过在新剧中她就一改以往形象，挑战演斯文秘书：“都几有挑战性，因为我自己平时比较男仔头，咁今次想做一个由头到尾都好斯文，婀娜啲嘅一个秘书，呢啲同我真实嘅性格系有少少相反嘅，所以都几得意，要不停提自己斯文啲，动作细啲，讲嘢温柔啲咁样。”杨柳青笑言希望今次的演出可以让观众看到自己的另一面，相信大家都十分期待！

点击下图睇杨柳青更多靓相：