【解决师】张明伟演超龄学生入型入格：个样Baby Face系有啲优势

无线校园剧《解决师》已经播出了两集，内容讲述由王浩信以及唐诗咏所饰演的教师，与一班学生的故事。而饰演学生的演员当中，有两个熟悉的面孔，就是来自《爱‧回家之开心速递》入面，饰演阿壮的焦浩轩，以及饰演George的张明伟 (Aaryn)。他是两人在该剧中饰演中五学生，即是只有17、18岁，与他们的真实年龄相距甚远。焦浩轩今年已经27岁，比中五生年长了10年，而Aaryn就更夸张，他今年已经30岁，比他在剧中的角色大了13年，绝对是个超龄学生。

不过张明伟在剧中演学生出来的效果，却是零违和感，无论样貌和神态都好似一个中五学生，根本不可能会看得出他已经30岁。《香港01》电话访问了Aaryn，问他饰演这个角色最困难的地方，他说：“最困难系我一埋位时要keep住非常之Hyper，因为我系一个搞气氛嘅角色嚟，同我本身做学生时好唔同，我细个时系一个好乖好静嘅学生，唔敢讲嘢𠮶啲嚟。我好开心终于可以做一次坏学生。”不过张明伟在剧中演学生出来的效果，却是零违和感，无论样貌和神态都好似一个中五学生，根本不可能会看得出他已经30岁。

至于要以30岁之龄去演17岁，Aaryn坦言的确有难度，他说：“一跳跳十几岁㖞，不过我嘅心态唔系要点样扮后生扮中学生，愈扮反而会愈显老，会畀人觉得做咩你喺度扮青春呀？以为自己好后生呀？咁我个样baby face系有啲优势嘅，但系咁都唔代表足够我去演一个中学生，我系参考咗好多学生嘅言行举止同心态，去学习返佢哋究竟系用咩出发点去谂嘢㗎呢。同埋我夹开band，系个梦想派嘅人，我同我啲bandmate都系大细路嚟，虽然我哋已经唔系十八廿二，但依然都好有青春𠮶样嘢，我喺我啲bandmate身上都得到好多灵感。”问到Aaryn怎样keep住童颜，原来真实生活中的他却是想自己个样成熟一些，他说：“因为我个样baby face限制咗我演好多角色，仲未适合可以挑战到，所以我系想自己个样老啲成熟啲，而唔系点样冻龄。”

点击下图逐格睇Aaryn，同焦浩轩喺剧中扮学生嘅演出：