【解决师】“熊仔头”女神林映蔚首次拍剧演学生妹：想反串做男仔

台庆剧《解决师》集合强劲演员阵容，除了有两位视帝、视后级人马王浩信同唐诗咏之外，剧中一班饰演中学生的演员亦相当抢镜。当中饰演其中一位学生妹沈琪的林映蔚（阿Bie），一出场就吸引不少人关注！

如果有留意YouTube频道“熊仔头”的网友，相信都会认出这位“熊仔头”女神。在拍摄《解决师》前，阿Bie以拍摄广告、网上短片为主，所以今次是她首次跳出网上平台，演出电视剧。她在接受《香港01》访问时，就笑言今次机会难得：“因为今次剧组想创新啲、特别啲，揾啲新面孔，所以就揾咗我去Casting。最初我剩系知自己演学生妹，但去到先知试边场戏，所以我都好紧张，今次剧集出街后好多人都话睇到唔一样嘅我，戥我开心。第一次拍剧就可以同王浩信、唐诗咏两位视帝视后合作，学到好多嘢。同我之前Online嘅工作好唔同，拍剧制作大啲、时间长啲。”

现年26岁的阿Bie，大学主修新闻及传播系。外貌甜美的她早在大学时期已经有接Freelance拍摄工作，之后在朋友介绍下进入地产界：“毕业后我有一年时间都系接Freelance，做地产代理算系我第一份Full-time job。𠮶阵谂住咩都试下，由17年中做到19年中，都做咗两年。（系咪好好揾？）因人而异啦，我最多一单系有6位数佣，可能好多人对呢行有迷思，但其实都唔易做。”

不过阿Bie在今年年中就放弃做地产代理，选择追寻演员梦想：“两样都需要长时间工作，好难兼顾，但我真系好钟意演戏，所以喺钱同兴趣之间我就拣咗兴趣，我睇中嘅唔系钱，呢个亦唔系我嘅主要收入来源。由我决定做演员我就预咗，如果系想发达嘅就唔会做呢行，我从来都冇Concern（担心）过呢个问题。（屋企人支唔支持？）我屋企人同身边嘅朋友都好支持，佢哋觉得我Afford（负担）到自己嘅生活就得。”

由地产代理到“熊仔头”女神，再到如今拍电视剧，阿Bie就话一切都是机缘巧合。对于今次处女拍剧就吸引不少人讨论，她亦表示很开心：“我以前曝光都系网上为主，做Freelance都有一段时间，唔同嘅媒介我都试过，但电视剧系我未接触过嘅嘢，所以电影同电视剧会系我未来嘅目标。（会唔会考虑签TVB？）如果有机会都会系一个唔错嘅选择。（担唔担心人工低？）呢啲到时再倾啦，我相信都唔会压到好低嘅，我觉得喺演艺路甚至喺人生入面，好多嘢都唔可以用钱衡量，所以冇得计算太多。拍剧对我嚟讲系个挑战，之后有机会我都想再拍，试下反串做男仔、做奸角。”

点击下图睇阿Bie更多靓相：