何超盈宣布婚礼押后两年　由葡萄牙古堡搬去大英博物馆举行

唔少女士梦寐以求拥有一个古堡婚礼，著住超长拖尾婚纱好似公主一样出嫁，不过赌王千金何超盈就取消原定嘅古堡婚礼，更为咗另一个更特别嘅地方，将婚期押后两年﹗

何超盈囡囡荷包蛋首曝光 改名Audrey Rose源自柯德莉夏萍

何超盈8月剖腹诞下囡囡“荷包蛋”Audrey，之后一直未有露面。佢同未婚夫辛奇隆（Thomas）原定于明年9月，到葡萄牙古堡举行婚礼，但最近传出将会押后，地点更由葡萄牙改到英国大英博物馆。

原来超盈系大英博物馆赞助理事之一，与博物馆关系密切，婚礼时更会以荷包蛋名义，同博物馆合作一个大型计划。超盈仲话婚礼延期，系希望到时囡囡识行，可以担任爸爸妈妈嘅花女。

大英博物馆系位伦敦嘅综合博物馆，成立于1753年，目前博物馆拥有800多万件展品，系世界上规模最大、最著名嘅博物馆之一。原来博物馆亦会外借举行活动，好似9月中举行咗2020年春夏伦敦时装周。

睇返博物馆官方网站，有8个场地都适合举行活动或婚礼，好似Great Court宴会可容纳400人，另外Egyptian Sculpture Gallery可容纳250人宴会，官网照片可以睇到，场地空间感十足，配以大型婚礼布置，奢华同艺术气息并重，相信超盈到时嘅世纪婚礼一定轰动全球。