【解决师】冯盈盈初次挑战激情戏：由浴室开花洒湿身到上埋张床

冯盈盈（Crystal）周四（3日）出席无线台庆剧《解决师》记者会，谈到在剧中饰演警察兼张颕康的下属，并跟着他查案和出任务，她又急着澄清：“我个角色名叫ACE，皇牌嘅意思，而绝对唔系爱滋病嘅AIDS！”因为角色要运用跆拳道，所以盈盈也特意在拍摄前去上了功夫课与跆拳道课：“希望可以应付到，点知原来去到后期主要系我俾人打、俾人挞，呢样反而冇练到！”

冯盈盈又对在道馆拍摄的其中一场戏尤为深刻：“𠮶场因为剧情需要当时系心散嘅状态，所以系咁俾人挞！当时要拍挞落地痛苦表情嘅Close-up，平时啲情感戏可能唔系咁足，但𠮶几吓好迫真、好真实！”问到会否比较想拍打人的戏份：“我都系会想俾人毒打得好惨嘅，可能现实中冇呢啲机会。大家可能觉得我多嘢讲、强势啲，成日话我食住宝宝（男朋友），其实冇啲咁嘅事，都想呈现返自己系比较弱势、俾人欺凌嘅一面。”

冯盈盈拍摄《解决师》难忘与张颕康的激情戏：“自己觉得比较大胆、大尺度嘅场口，大家都觉得我讲嘢比较大胆，但拍摄激啲嘅场面今次都系第一次，《白色强人》就献上荧幕初吻，《解决师》就有激情戏。激情场面系由浴室、走到入淋浴间开花洒湿身、再出返房、然后再上埋张床，净系呢几个层次嘅转换已经系新尝试。”冯盈盈亦事先跟男友报备：“拎到剧本都有畀佢睇，𠮶日佢仲亲自车我去拍，我谂佢都开始理解；我都感谢佢体谅，播出嘅时候我会喺隔离辅导、陪住佢睇。”