【金宵大厦】马贯东演宅男偷窥欧阳巧莹　激动澄清：我唔系变态

前晚((30日)《金宵大厦》播出的单元故事“洞”讲述马贯东 (Mark) 饰演宅男李家俊，经常偷窥住在隔壁的Mia (欧阳巧莹 饰)，甚至去到不能自拔的地步，每天都要偷窥才安乐，予人一种变态的感觉。Mark之前在《爱‧回家之开心速递》入面饰演博士一角而成功入屋，该角色是个正直阳光青年，与今次的变态宅男一角好唔同，他接受《香港01》电话访问时，就为自己的角色澄清说：“我唔系变态㗎，亦都唔系咸湿，只系好奇啫。”

他为大家拆解当中的谜团，既然他不是变态也并非咸湿，那么他是为什么要每天偷窥Mia呢？Mark解说：“其实系个洞本身有魔力，令到我个角色根本抗拒唔到，就算用纸封住都无用，又试过用泥胶塞住个洞都唔得，旧泥胶系会自己弹返出嚟嘅。我完全系被个洞嘅魔力吸引住我去偷窥Mia，不过到最后都可以摆脱到佢，虽然个洞无消失到，但系我已经唔会再去偷窥。”而这个魔洞除了李家俊，就连李施嬅饰演的Alex亦看得到，也只有他们两人可以看到，据知洞亦会再度出现，亦同Alex身世有关。

Mark直言今次演这个角色很有挑战性：“佢个性格比较复杂，系双重人格，平日畀人欺凌，于是返到屋企就Keep住做键盘战士上网闹人发泄，又攻击Mia，个角色好阴沉，但佢内心其实系善良嘅。拍摄过程中最难系要对住道墙做戏，因为我见唔到Mia喺度做咩嘅，纯粹系靠幻想，有剧组人员喺度形容畀我知Mia做紧咩，等我可以入戏去演，不过到套剧播出街时，我先发现原来同我幻想嘅系唔一样。”他又透露故事会是个happy ending，其中有一幕他与砵仔糕星人大战，对他的角色有好大影响：“见到Mia咁坚强而改变咗我自己。”

点击下图逐格睇Mark同欧阳巧莹喺剧中嘅演出：