【开心速递】Venus同池子孝正式成为新CP　同女神拍拖拍到穷

无线处境剧《爱．回家之开心速递》的新CP经已诞生，就是Venus (邝洁楹 饰) 与池子孝 (阮政峰 饰) 这一对。在今晚播出的第678集预告片入面，就讲述池子孝因为要与Venus拍拖而导致倾家荡产！可说是道出了不少男生拍拖时的悲歌。

剧情讲到池子孝几经波折下，终于能够顺利追到女神Venus，两人正式成为情侣开始拍拖了，还得到好基友兼前情敌George (张明伟 饰) 的支持，池子孝即时活在一片幸福之中。可是既然同得女神拍拖，当然是要好好照顾她的，帮女神畀晒所有拍拖时的使费是常识吧，行街Shopping睇戏食饭送礼物等样样都要钱的，所以池子孝跟Venus拍拖后，在经济上真是很大负担，甚至花尽积蓄兼要签卡度日。今晚还有一幕是阿孝拍拖拍到精神不济，最后更不支晕倒在桌上，未知是否穷到连饭都没有钱食呢。

而在真实世界中，邝洁楹 (Judy) 和她所演的Venus却是截然不同的女生，Judy接受《香港01》访问时，就表示自己拍拖时不用男朋友畀晒所有使费。她说：“好坦白，我不嬲都会想畀钱嘅，唔系做下样𠮶种，系真心想畀钱，咁我自己都有能力赚钱，又有份食𠮶餐饭，又唔使话AA咁计，但系可以一人畀一餐。不过我以前啲男朋友都会帮我畀食饭钱嘅。”

Judy又谓不想男仔买名贵礼物，例如名牌手袋等送给自己，她说：“我唔想第时分手好似欠咗人好多钱咁，同埋手袋系好个人喜好嘅嘢嚟，佢买嚟送畀我都未必啱心水。我唔系venus呢种女仔，唔会叫个男朋友买啲咩畀我。”至于她拍拖以来收过男朋友最贵的一份礼物，就是一部iphone：“佢知我部电话坏咗，𠮶时系圣诞节，佢就买咗部iphone 5送畀我。其实我拍拖唔追求呢啲物质嘅嘢，就算亲手造张心意卡送畀我都得，最重要系𠮶份心意。”

点击下图逐格睇呢集嘅预告：

点击下图睇下邝洁楹嘅靓相：