【不义之战】首次拍摄动作电影周身伤 邓洢玲：两只脚大髀瘀晒
撰文： 吴子生
出版：更新：
邓洢玲（阿旦）昨晚（24/9）身穿性感红色吊带裙现身铜锣湾，出席电影《不义之战》首映礼。阿旦透露首次拍摄动作片心情兴奋：“我哋拍之前用咗三个月时间，去学拳脚训练，又练枪械训练，剧组更特意安排我哋到Wargame场体验，因为之前未试过拍戏开枪，到我拍嘅时候我冇带耳罩，一开枪𠮶下声音好震撼，𠮶一下自己都估唔到咁劲。”
阿旦透露在拍摄对打场口时搞到周身伤：“因为自己系初哥，导演唔想我打到好似花拳秀脚嘅效果，叫我出尽力打落去对手度，要求我拳拳到肉，希望拍一两个镜头就可以完成，咁所以好记得有一个镜头系我飞身用铰剪脚，夹住对方个头𠮶场戏，足足拍咗十几次，返到屋企之后发现两只脚大髀瘀晒。”