李嫣赴瑞士读欧洲皇室贵族学校　天价学费入场门槛极高

撰文： 洪晓璇
出版：更新：

李嫣自出世起就注定成为大众焦点，身为王菲爱女生活同际遇亦唔系一般小朋友可以拥有，小小年纪已经开过个人画展，又走过时装骚天桥。不过年仅13岁嘅李嫣，始终读书先系正职。踏入9月亦正式展开新嘅校园生活，佢就读嘅瑞士寄宿学校大有来头，除咗系全球最贵学府之一，亦系唔少国家皇室入读嘅学校﹗

眨下眼李嫣已经13岁。（IG：@yarrrli_）
+1
李嫣喺瑞士嘅校园生活照登上学校官网。（College Alpin Beau Soleil官网图片）

李嫣嘅校园生活照登上学校网站，可以见到佢著住校服，同几位女同学一齐微笑望镜头，李嫣嘅右手掂住地下中间嘅一张纸，似乎喺度讨论功课。可以见到几位同学明显来自唔同国家，年纪相若睇落非常投契。

College Alpin Beau Soleil位处瑞士 Villars-sur-Ollon，接近日内瓦湖东岸（College Alpin Beau Soleil官网图片）

的确，呢间位于瑞士嘅寄宿学校College Alpin Beau Soleil，学生来自50个国家，而每个国家学生都唔能够超过总人数嘅10%。1910年建校，位处瑞士 Villars-sur-Ollon，接近日内瓦湖东岸，最近大城市系Monteux，离洛桑大约1小时车程，离日内瓦大约2小时车程。

李嫣就读嘅学校有超过一百年历史。（College Alpin Beau Soleil官网图片）
学校著重学生体育发展，有自己室内攀石场。（College Alpin Beau Soleil官网图片）

College Alpin Beau Soleil系目前世界上最贵嘅寄宿中学之一，2019-20年度学费大约十万零八千瑞士法郎，折合港币约86万﹗仲有二万零八百三十五瑞士法郎附加费用“Sport, Expeditions, Cultural & Academic Activities Expenses”， Annual Trip charge六千瑞士法郎，校服费都要近六千瑞士法郎，一年计落使费高达过百万港元﹗

College Alpin Beau Soleil 2019-2020年度收费（College Alpin Beau Soleil官网图片）

咁贵嘅学费，入读嘅学生唔止系非富则贵，唔少仲系皇室成员，包括卢森堡大公、吉拉姆公主和丹麦玛丽公主等都系呢度嘅校友。

更多学校照片：

+3