狄以达跳舞学校发生小火灾 仿市民以MEMO遮蔽熏黑地方
撰文： 洪晓璇
出版：更新：
意外就系意料之外，有事一不留神分分钟会酿成灾难﹗狄以达除咗幕前工作外，最近忙于打理第三间跳舞学校，事事亲力亲为，由教班同装修都亲自出马。呢日佢喺IG分享校内相片，居然系出意外发生小火灾，墙上更被熏黑一大片，吓坏唔少朋友。
狄以达喺IG上载多张照片，见到相入面跳舞学校其中一道墙大面积被熏黑，另一张相就影住烧毁嘅光管，佢留言话：“意外火灾，不用担心，人冇事，网上买的光管爆开咗，其他冇事。 #应该唔系网上问题 #系我哋唔好 #发现呢个问题 #不会爆炸的 #尽快清场 #亲自河蟹”
佢亦坐言起行，亲自清理意外现场，不过由于清理需时，狄以达忽发其想自制连侬墙，用大量MEMO贴喺熏黑墙上作装饰。经点算后损毁未算严重，狄易达留言话：“我好运iMAC PRO无事，吉他无事，大部份都无烧坏，只有这对用了十年的 studio monitor烧掉了一些线。它不昂贵，但它陪伴著我成长，一切由上环的NOVASONIC开始，在那里我才真正学习音乐。”