袁嘉敏玩交友App急脱单　Lonely过中秋佳节：自己一个人赏月

袁嘉敏（Candy）今日（13/9）以火红色性感吊带裙造型在太子出席新店开幕活动。访问时，Candy直言想进军饮食业：“见到新店三位年青有为嘅老板咁成功，开完一间又一间，自己都好想试下，睇下可唔可以同佢哋三位老板做到朋友，然后夹埋一份做饮食生意。”

提到Candy一心谂住脱单，之前玩交友App交完300元月费后却被Block，她坦言无奈：“之前喺网上问啲朋友边个交友App好用，啲朋友推荐我用𠮶个App，装咗之后，早上8点见到有3个人畀Like我，但见唔到佢哋相关资料，但如果畀咗月费，就可以畅通无阻，于是我就畀咗月费，我玩咗一个钟佢哋就Block咗我，要求我核实身份，要求我举起三只手指露样自拍，我都影咗畀佢，同佢哋周旋咗成十日时间，佢哋怀疑我身份，到最后都畀佢Block咗，最终三百蚊月费都冇退返畀我，好唔开心呀。”