胡鸿钧对负面传闻感错愕　澄清与公司关系OK：我都好想扮大牌！

胡鸿钧（Hubert）自从拍摄TVB剧集《解魔的2.0》受伤后，基本上这段时间在家中养伤。久未露面的他今天出席TVB综艺节目《娱乐大家》，他说：“今日返嚟见返好多熟悉面孔好开心，系呢一段时间我基本上留喺屋企养伤，都系睇下剧，唔敢劳动咁多。依家都开始可以做返运动。”

对耍大牌传闻感愕言：唔系好明点解！

Hubert在养伤期间不断传出负面新闻，其中有指他与公司关系其实并不良好，更说Hubert常耍大牌，他表示看到报导非常愕然：“我之前都系社交网站讲话呢件事，咁啱个段时间都拍剧中。其实我唔系好明点解会有呢个来源，对住呢啲新闻我抱著一笑置之心态，做好自己工作就OK。同埋点解会话我扮大牌，我都好想扮大牌。”他更自嘲：“当我有一日可以大牌，我就会（扮）大牌！”

另外有指上个月他会举行首个个人演唱会，不过之后改由菊梓乔顶上，他解释：“呢个讲法我都唔明点解会有，其实我一直都冇落实几时开Show，佢个期同我期冇抵触。我呢一两年都有同公司倾开Show呢个话题，好多因素都系我自己问题，冇信心、好惊又觉得成日可以准备得好啲。”