【她她她的少女时代】陈俊坚同林凯恩组CP：俾金城安啲粉丝追杀

TVB剧集《她她她的少女时代》正式踏入结局篇，剧中的几段感情都有新进展。在昨晚（9日）播出的一集中，除了张智强（曹永廉饰）同方迎风（田蕊妮饰）重温旧梦令大家期待之外，晴晴（林凯恩饰）同男友Kit（陈俊坚饰）更踏出一大步，去大屿山过夜！两人更有连场锡锡戏，相当Sweet！

剧情讲到晴晴同男友Kit计划到大屿山留宿一晚，过二人世界。两人在度假屋情不自禁热吻，不少观众看完这一幕都话好浪漫！饰演Kit的陈俊坚（Kinlas）在接受《香港01》访问时就笑言今次是荧幕初吻：“都算系第一次锡锡戏，导演想我哋可以再做好啲，所以都NG咗几次。（事情有冇做准备？）我同lris都有食薄荷糖，一开始第一个take大家都有啲尴尬，经过导演调整，第二个take之后就好好多了，大家都放开咗，投入咗。我谂Total拍咗4个take，因为𠮶阵时时间都几紧迫，虽然大家冇讲嘢，但系感觉到大家都已经ready，大家都咁主动。而且之前喺呢套剧里面都拍过好多场戏，大家彼此已经有咗默契，拍𠮶阵大家都感觉到热恋期的feel。”

点击下图重温：

Kinlas在剧中饰演Iris的男友，也是主要配角之一，成功引起观众关注。其实Kinlas已经加入TVB超过十年，不过前6年都是以舞蹈员的身份示人，直到2013年才加入艺员训练班，转型为演员，今次可以算是他拍剧以来戏份最多的角色，Kinlas亦好感谢监制：“开头张晴呢个角色制作找女艺员上嚟casting，而casting的剧本同时系需要一个男仔，咁就揾咗我上嚟帮手做对手戏，加埋本身自己都有少少打拳底，就俾制作同时选中咗。”

不过原来试戏只是一个借口，剧集监制廖晋硕在接受《香港01》访问时表示自己一早已经选中Kinlas演这个角色：“其实之前已经同Kinlas合作过，觉得佢好用心。今次想揾啲生面口嘅人，Kit呢个角色系一个后生仔、大学生，咁我心目中已经拣咗佢，不过我冇同佢讲嘅，就叫佢嚟帮我试戏，冇人工、冇show计㗎，纯粹做义工，而且当日有三四个女演员，每个都三四场戏，所以佢总共试咗十几场，但佢都保持到水准，达到我嘅要求。”

由于Kit这个角色是泰拳学会会员，所以监制都有要求Kinlas操Fit，虽然Kinlas一向有做运动，但他也坦言有难度：“因为之前拍《福尔摩斯奶》个角色系需要瘦的，而拍《她》喺短时间内要变返大只少少，所以拍呢套剧系有啲辛苦，不过自己有做开运动，又有修读过健身，再俾多少少时间我效果会更加好。”对于未来的发展，Kinlas就直言想加入处境剧剧组：“无论小品定大制作，我谂大部份嘅演员都系想做男一女一，我都唔例外。至于做咩角色我自己都仲未有一个谂法，创造角色都系交返畀编剧，如果入到处境剧更好，可以累积更加多嘅经验。（同Iris再合作？）呢排真系俾金城安啲粉丝追杀，要睇公司点安排，当然好想入处境剧啦。”