【街坊财爷】 黎诺懿每晚不设防造人 公开生仔秘方：食蚝会生仔
撰文： 吴子生
出版：更新：
黎诺懿今日（6/9）现身将军澳电视城出席无线剧集《街坊财爷》宣传造势活动。剧集至今已播出第5集，诺懿笑指每晚强迫老婆一齐睇，不过老婆边睇边多意见：“因为最近我哋睇咗一套韩剧《德鲁纳酒店》，佢睇完人哋嘅制作之后，话人哋拍出嚟嘅嘢好靓，我同佢讲人哋所有嘢都系钱堆砌出嚟㗎，其实佢都畀咗好多意见我，不过我依旧回应佢：‘哦，哦，哦！’”
提到2岁半爱儿小春鸡（黎峰睿）日渐成长，懿诺直言每晚不设防造人：“我点都会生多个细佬妹畀佢，因为将来我都有机会唔喺度，希望将来佢都有个亲人喺佢身边，佢唔会咁孤单，咁所以我同太太无论点都好，都会生个小朋友陪住佢，而我自己嘅心愿想生个女。”（食蚝补身？）诺懿直言：“千其唔好食蚝，会生仔，之前我有经验，唔好做𠴱啲嘢呀！其实我哋啲都市人体质偏向酸性，除非你系好健康嘅人先系碱性，所以我哋挨更抵夜嘅人，身体一定系酸性，所以我系唔会补嘅，𠮶阵时生峰峰之前我系补咗，咁所以今次我乜都唔补。”